رزگاربوین کاندیدیگ ئەرا سەرۆکایەتی کۆلۆمبیا لە تەقەلای کوشتن
شەفەق نيوز/ میدیایل خوەرئاوایی، ئمڕوو یەکشەممە، خەوەردان کە ئەو کانکیمە ئەرا هەڵوژاردن سەرۆکایەتی کە بڕیارە لە ساڵ ئایندە لە کۆلۆمبیا وەڕیەو بچوود، لەناو گردەوبوین هەڵوژاردن لە بوگوتا تویش تەقەلای کوشتن هات.
پارچە ڤیدیۆیگ لەبان سۆشیال میدیا نشتن دا کە میگیل ئوریبی ئەو کاندیدە لە تەمەن 39 ساڵان ئەندام لە ئەنجومەن پیرەیل لە ئۆپۆزسیۆن راس، لەناو گردەوبوینیگ هەڵوژاردن خوەرئاوای پایتەخت مەوقەی پیشکەشکردن وتاریگ، و دەنگ تەقە تیەێد.
لە گرتەیگ ترەک، ئوریبی دیار دەێد خەڵپان خوێنە وە وەبان ماشینیگ کەفتیە، ئیجا کەسەیلیگ خەنەی ناو ماشین یەکیگ لە ریوارەیل.
حکومەت سەرۆک چەپ گۆستافۆ بیتڕۆ وە تونی شەرمەزار ئەو پەلامارە کرد.
لە بەیاننامەیگ وت: ئی کار تونەڕەویە نەک تەنیا پەلاماریگە لەبان کەس ئەو، بەڵکم پەلامارە وەبان دیموکراتی و ئازادی هویر و ڕەفتارکردن شەرعی سیاسی لە کۆڵۆمبیا.
ئوریبی یەکیگە لە زبرترین رخنەگرەیل بیترۆ، کە ئەندامە لە حزب مامناوەند دیموکرات وە ریبەری ئەلڤارۆ ڕوریبی سەرۆک وەرین، کە لە 2002 تا 2010 سەرۆک کۆلۆمبیا بوی.
