گردەوبوینەیل نیویۆرک.. تاران خوەی ئامادە کەێد ئەرا رێککەفتنیگ وەرد واشنتۆن کە کووتایی وە جەنگ تیەرێد و هورمز واز کەێد
شەفەق نیوز- وەدۊاچگن
وەرپرسیگ گەورای ئیرانی، ئمڕوو سێشەممە، ئاشکرا کرد کە شاند ئیرانی کە لە نیویۆرکە دەسەڵاتەیل تەواویگ دیرێد ئەرا زینگەوکردن رێڕەو دیپلۆماسی وەرد وڵاتە یەکگرتگەیل، وتیش ئەگەر باس لە وردەکارییەیل رێککەفتنیگ ئەرا کووتاییهاوردن وە کارەیل جەنگی لە ناوەین هەردگ وڵاتەگە لەڕی ناوجیکەرەیل لە نیویۆرک هەس.
وەرپرسەگە وت، وەپەی ئاژانس "رۆیتەرز"، کە تاران خستەڕوی گەروو هورمز واز بکەێد ماوەی هەفت رووژ، لە رەوش ئەوەگ واشنتۆن فشار سەربازی کەمەو بکەێد و ئەو گەمارۆە کە لەبان ئیران چەسپیاس هەڵبگرێد.
وتیش کە پێشنیارە ئیرانییە نووەگە دریاسە دەس وە وڵاتە یەکگرتگەیل لەڕی ناوجیکەرەیل لە 16ی ئەیلول/ سێپتەمبەر، لە گامیگ کە ئامانج دیرێد ئەرا وازکردن بوار لە وەرانوەر باس لە ئامادەکارییەیل ئەرا کووتاییهاوردن وە کارەیل جەنگی و گلەوداین رێڕەو دیپلۆماسی لە ناوەین هەردگ لایەن.
وەرپرسەگە ئاشکرا کرد کە شاند ئیرانی لە نیویۆرک دەسەڵاتەیل تەواویگ دیرێد ئەرا دانوسەنین لەباوەت زینگەوکردن دیپلۆماسی وەرد واشنتۆن، کە لەناویانیش باس لە وردەکارییەیل هەر رێککەفتنیگ چەوەڕیکریاگ لەڕی ئەو ناوجیکەرەیلە کە لە شارەگە هەن.
