ئەردۆگان: تەقەلای ئاگربەسی لە غەززە دەیمن جویر ئاگربەسیەگەی ئیسرائیل و ئیران
شەفەق نيوز - ئەنقەرە
رەجەب تەییب ئەردۆگان سەرۆک تورکیا، ئمڕوو شەممە، دووپات کرد کە ئاگربەسی ناوەین ئیران و ئیسرائیل دەر لە روی گامیگ وەوجویرە ئەرا غەززە واز کرد، تا جەنگ لەورا بوسێدەو.
ئەردۆگان لە وتاریگ کە میدیایەیل تورکیا بڵاوی کردن وت: ئاگربەسی ناوەین ئیران و ئیسرائیل دەر ئەرا گامیگ وەوجویرە لە غەززەیش واز کرد، و حەماس چەنای چەنیگ نیاز چاکی لەی باوەتە نشان دا.
ئەردۆگان وتیش: لەوەر پێشێلکردنەیل ئیسرائیل ئەرا رێککەفتنەیل ئاگربەسی، ئارامی تەواویگ لە ناوچەگە وەجی نەهات، وتیش: ئی گلە کار کە وینە تا ئەو کارە دووارەو نەوود.
لە روییگ ترەک، سەرۆک تورکیا دیاری کرد کە باوەت فرۆکەیل جەنگی ئەف-35 ئەرا ئیمە تەنیا کاریگ نییە کە پەیوەندی وە تەکنەلۆژیای سەربازی بیاشتوود، وەلێ هەمیش گامیگە ئەرا دامەزرانن هاوبەشیەیل قایمیگ لە سەکووەیل ناودەوڵەتی لەنوایان هاوپەیمانی ناتۆ.
ئەردۆگان وتیش: باوەڕ دیرن ترەمپ وەو رێککەفتنە پابەند بوود، و فرۆکەیل جەنگی ئەف-35 وەشیوەیگ پلەبی لە وەخت دەسەڵات ئەو وەرگرینن.
لە باوەت سوریا، ئەردۆگان وت: دووپات لەبان کڕەیل سوورمان لە سوریا کردیمن، و رازی وە پلانیگ نییمن شەرعیەت وە ریخریاگەیل تیرۆری بیەن.
