ئەرا دۊیەمین جار لە ماوەی رووژیگ.. زەویلەرزەیگ سەختیگ دەێد لە ئەندەنوسیا

شەفەق نیوز- جاکارتا

دەسەی جیۆلۆجی ئەمریکی، ئمڕوو شەممە، توومارکردن زەویلەرزەیگ وە هاز 6.9 پلە لە ئەندەنوسیا راگەیان، لە دۊیەمین لەرزەی تون کە وە ماوەی رووژیگ لە وڵاتەگە دەێد.

 زەویلەرزەگە دۊای لەرزەیگ تونتر تیەێد کە هازەگەی رەسیە 7.7 پلە و لە وەرانوەر کەناراو دوورگەی فلۆریس لە خوەرهەڵات ئەندەنوسیا دا، کە بۊە مدوو قوربانیەیل و زەرەدەیل ماددی و رمیان زەۊی، و دۊای ئەوەیش شمارەیگ لە تەکانە لەرزەیل هات.

 ئاژانس فەرەنسی، لە وەختیگ زۊ لە ئمڕوو شەممە خەوەردا لە کوشیان بیس کەس لەلای کەمەو لە ئەنجام زەویلەرزەی یەکەم.

 دەسەڵاتەیل ئەندەنوسی هوشدارییگ لە شەپوولەیل "تسۆنامی" دەرکردۊن، دۊای زەویلەرزە تونترەگە، وەرجە ئەوەگ دۊاتر هەڵگریەێد دۊای دڵنیابۊن لە نەوین ئاڵشتکاریەیل رخداریگ لە ئاست ئاو دەریا.

ئەندەنوسیا و وڵاتەیل هاوسای رۊداین زەویلەرزەیلیگ وەخوەیان دوینن وە شیوەیگ دووارەبۊ لەوەر کەفتنیان لەناو ئەڵقەی ئاگر لە زەریای هێمن، کە زنجیرەیگە لە ناوچە چالاکەیل لەڕۊ زەویلەرزەییەوە کە لە ژاپۆنەو دریژەو بوود و وە باشوور خوەرهەڵات ئاسیا رەد بوود و لەڕی حەوز زەریای هێمنەو.