ئیران دەسگیرکردن 19 کەس راگەینێد "پەیوەندی وە ئیسرائیلەو دیرن و دەسیان هاناو کارەیل تیرۆری"
شەفەق نيوز/ دەسەڵاتەیل ئەمنی ئیران، ئمڕوو شەممە، دەسگیرکردن 14 کەس راگەیان کە پەیوەندی وە "کار تیرۆری" دیرن کە وەبان ئیسرائیل دریانە قەڵەم، لە پارێزگای هرمزگان باشوور خوەرهەڵات ئیران.
دەسەڵاتەیل ئەمنی لە بەیاننامەی کوڵیگ کە میدیایەیل فەرمی بڵاوی کردن، وتن: ناسنامەی 14 کەس دیاری کریا و دووپات کرد کە پەیوەندی وەرد ئیسرائیل داشتن و دەسیان لەبان یەشیگ لەو پەلامارەیلە داشتنە لە پارێزگای هرمزگان.
دەسەڵاتەیل هویردەکاریەیلیگ زیاتر لە سروشت ئەو کار تیرۆریە یا ئەو کەسەیلە ئاشکرا نەکردن.
لەلای خوەییش، نویسنگەی جیگر گشتی لە پارێزگای یەزد ئیران دووپات لە دەسگیرکردن 5 کەس وە بوونەی وینەگردن شوینەیلیگ ناسک وە هاوکاری وەرد ئیسرائیل کرد.
نویسنگەی جیگر گشتی لە پارێزگاگە وت: ئەو کەسەیلە نیگەرانی لە رای گشتی لەبان سۆشیال میدیا دروس کردنە.
سەرچەوەیلیگ ئیرانی ئاشکرای دەسناین وەبان ماشینیگ کردن لە شار زنجان باکوور خوەرئاوای ئیران کە درۆنیگ بار کروێد، و ماشینیگ عێەک لە کرماشان گیرهاوریا، درۆنیگ هەڵگڕدوێد، و 3 کەس دەسگیر کریان کەسیان لەناو تەقەلای دزەکردن و جویلەی گومانی لەناو خاک ئیران داشتنە.
دەسەڵاتەیل ئیران زنجیرەی هوشداری ئەمنی دادە هاوڵاتیەیل، داواي وریایی و ئاگادارکردن لە هەر جویلەیگ یا چشتیگ گومانی کرد، لە وەختیگ دەزگایەیل ئەمنی دەسگیرکردن دزەکەرەیل و کەسەیلیگ راگەیانن کە دەسیان لەناو بڵاوکردن زانیاریەیلیگ بویە هەڕەشەی ئارامی دەروینی مەردم دەن.
دەزگایەیل ئەمنی لە نوایان وەزارەت هەواڵگری داوا لە هاوڵاتیەیل کرد چەویان وە هەر جویلەی ماشین و بارهەڵگریگ گومانی بوود، و وەکوتپڕ ئاگاداریی لە هەر کاریگ گومانی توومار بکەن.
