دەسگیرکردن سەرۆک وەرین فیلیپین وە توومەت تاوان دژوە مرۆایەتی وەبان بازرگانەیل هووشبەری
شەفەق نیوز/ دەسەڵاتەیل فیلیپین راگەیانن کە شەوەکی ئمڕوو سێشەممە، پولیس رودريگو دوتيرتی دویای نیشتنەوەی فڕۆکەکەی لە فرۆکەخانەی ناودەوڵەتی مانیلا دەسگیر کریا، ئەوەیش لە بنەمای یاداشت دەسگیرکردنی لەلایەن دادگای ناوان ناودەوڵەتی وە توومەت تاوانەیل دژوە مرۆایەتی لەو جەنگیە لەبان بازرگانەیل هووشبەری.
سەرۆکایەتی فیلیپین لە بەیاننامەیگ وت: لە وەخت زوییگ شەوەکی ئمڕوو، چاپ فەرمی لە یاداشت دەسگیرکردن رەسیە ئەنتەرپۆڵ لە مانیلا کە لە دادگای تاوانەیل ناودەوڵەتی دەرچگە، وتیش دوتیرتی لە ئمڕووەو کەفتیەسە چنگ دەسەڵات.
وەگورەی بەیاننامەیگ لە نویسنگەی فرديناند ماركوس سەرۆک فیلیپین، دوتیرتی وەگەرد رەسینی لە هۆنگ کۆنگەو دەسگیر کریا، ئەرا جیوەجیکردن فەرمانەیل دادگای تاوانەیل ناودەوڵەتی کە لێکۆڵینەوە لەو کوشتن و کۆمەڵە کەێد لە هەڵمەتە زبرەگەی ئەرا دژایەتی هووشبەری.
دوتیرتی تەمەن 79 کەفێدە نوای توومەت کوشتن زانستەنی لەوەی کوشیان دەیان کەس لە پیاوە لاتەیل وەدەس سوپا و پولیس وەبی بەڵگە لەبان پەیوەندییان وە هووشبەری، وەگورەی مەزەنەی ریخریاگەیل ماف مرۆڤ.
دوتیرتی دویای نیشتنەوەی لە فرۆکەخانەی ناودەوڵەتی مانیلا دویای چگن کوڵیگ ئەرا هۆنگ کۆنگ دەسگیر کریا.
