دەسەڵات سوریا قەیەغەی وینەکیشان لەقەی دیوارەیل لە لازقیە کەێد

شەفەق نیوز/ دەسەڵات سوریا، ئمڕوو چوارشەممە، بڕیار قەیەغەکردن رەنگکردن و وینەکیشان لەقەی دیوارەیل لە شار لازقیە دا.

ئەنجومەن شار لازقیە لە فەرمانیگ کە ئاژانس (سانا) بڵاوی کرد وت: قەیەغەی یەکجاری لەبان گشت خەڵکەگە لە شار لازقیە لە رەنگکردن و وینەکیشان لەقەی دیوارەیل وەهەر شیوەیگ، چ لە گەڕەکەیل یا لە ناوچەیل گشتی.

فەرمانەگە دیاری کرد کە ئەگەر پێشنیار جوانکاری یا خاسەوکردن شوینەیل گشتی بوود، تکایە هەماهەنگی وەرد ئەنجومەن شارەگە بکریەێد ئەرا وەرگردن مووڵەت.

وتیش: ریکارەیل یاسایی جیوەجی کریەێد وەرانوەر ئەوانەگ ئی کارە کەن.