دویەم رویداوە وەماوەی سێ رووژ.. 13 قوربانی وە ئاگر "كيميایی" لە بەندەریگ ئیرانی

شەفەق نيوز/ میدیایەیل راگەیانن ئیرانر ئمڕوو چوارشەممە، ئاشکرای کەفتن قوربانی لەو رویداو ئاگرە کردن کە لە بەندەر بوشەهر باشوور وڵات هیز گردر کە رەسیە کوشیان کەسیگ و زەخمداری 13 کەس، لەو رویداوە کە دویەمە لەیجویرە لە ماوەی سێ رووژ.

ئاژانس خەوەری ئیرانی "وت"، 3 کەس لەلای کەمەو گیانیان لەدەسدانە و 10 کەسیش زەخمدار بوینە، لە ئەنجام ئەو ئاگرە کە لەناو تانکی میسانۆل لە بەندەر 

بوشەهر هیز گرد.

وەرپرس بەش فریاکەفتن پزشکی لە پارێزگای بوشەهر وت: ئاگر لەناو تانکی میسانۆل سەروە کۆمپانیایل پترۆکیمیایی کاوە لە بەندەر دیر لە پارێزگای بوشەهر هیز گرد، تا ئیسە بویەسە مدوو کوشیان سێ کەس و زەخمداری 10 کەس ترەک.

ئی رویداوە دویەم لەیجویرە لە ماوەی 3 رووژ، کە پیرەکە دووشەممە، لە ئەنجام تەقیان تانکی گاز دووانەی ئۆکسید کاربۆن لە شار نەتنز ناوڕاس ئیران، کەسیگ کوشیا و 7 کەسیش زەخمدار بوین.