دویای یەک رووژ لە دەسەوکاربوینی.. ئیران دووارە ئاسمانی و نیمچەیی بەسێد

شەفەق نيوز – تەهران

دەسەڵاتەیل ئیران، ئمڕوو چوارشەممە، بڕیار دووارە بەسانن ئاسمانی لەنوای کاروانەیل رەدبوین ناودەوڵەتی لە ناوچەیل خوەرئاوا و ناوڕاسی دا، ئەوەیش دویای یەک رووژ لە دووارە وازکردنی.

 وەزیر ریوبان ئیرانی لە بەیاننامەیگ وت؛ لەبان بڕیار دەسەی هەماهەنگی لە فڕوکەوانی مەدەنی ئیران، وەگەرد هەڵسەنگاندن ئەمنی، بڕیار بەسانن ئاسمان ناوچەی ناوڕاس و خوەرئاوای وڵات لەنوای کاروانەیل رەدبوین ناودەوڵەتی دریا.

    وەزارەتەگە هەمیش بڕیار درویژەوکردن وسانن کاروانەیل ئاسمانی ناوخوەیی و ناودەوڵەتی لە ناوچەیل ناوڕاس و خوەرئاوا دا، لەناویان تەهران و تەبریز، تا رووژ پەنجشەممە ساعەت  14:00 وە وەخت ئیران.

وەزارەتەگە وتیش: ئاسمان لە ناوچەیل خوەرھەڵات وڵات هیمان وازە.

 دویەکە سێشەممە، مەجید ئیهوان قسەکەر وەزارەت ریوبان ئیران وت: ئاسمان ناوچەیل ناوڕاس و خوەرئاوا لەنوای کاروانەیل رەدبوین ناودەوڵەتی وازە.