دویای دانوسەنین مەسقەت.. تومان ئیرانی لەنوای دۆلار هەناسیگ کیشێد

شەفەق نيوز/ تومان ئیرانی، ئمڕوو دووشەممە، ئەرا ئاست نوویگ لەنوای دۆلار ئەمریکی بەرزەو بوی، کە رەسیە 8.000 تومان، ئەوەیش دویای دوو رووژ لە تەواوبوین دانوسەنین ناوەین ئیران و ئەمریکا لە مەسقەت پایتەخت عومان.

عەباس عراقچی وەزیر دەیشت ئیران کۆتایی یەکەمین دانیشتن لە دانوسەنین ناڕاستەوخۆ ناوەین ئیران و ئەمریکا لەبان بەرنامەی ئەتۆمی راگەیان، و ئاشکرا کرد کە لە کەشوهەوای بیناکەر وەڕیەو چگ.

 لە سای وەردەوامی ژاوەژاو ناوەین ئیران و ئەمریکا، و شیواشیو لەناو بازاڕەیل پویل و تەڵا، نرخ دۆلار لە مانگ گوزەشتە رەسیە 107 هەزار تومان.