دویای کالیفۆڕنیا ئاگر رەسێدە نیویۆرک
شەفەق نیوز/ ئاگر لە شوینیگ نیشتەجێبوین لە شار برۆنکس لە ویلایەت نیویۆرک لە ئەمریکا لەوەر وای تون کە تونیەگەی رەسیە ناوەین ٢٠ تا ٣٠ میل لە ساعەتبگ، لە ئەنجامی ٧ کەس زەخمدار بوین.
وەگورەی میدیا ئەمریکییەگان، ئاگرەگە شوینیگ نیشتەجێبوین ویران کردگە کە زیاتر لە 150 شوقە هاناوی، یەیش دویای ماوەی کەمیگ لە ئاگرکەفتنیگ هاوشیوە لە ویلایەت کالیفۆرنیا.
وەڕێوەبەرایەتی ئاگرکپەوکردن نیویۆرک دووپات کرد کە نزیکەی ٢٠٠ کارمەنی بەشداری تەقەلای کپەوکردن ئاگرەگە کەن.
لە پارچە ڤیدیۆیگ کە بڵاو بویە دەرخەێد بڵویزەی ئاگر و ستوین دویکەڵ لە باڵەخانەگانەو بەرزەو بوود کە لەوەر ئاگرەگەو زیان وەپییان رەسیە.
ئاشکرا کرد کە ئەو باڵەخانەیل زیان وەپییان رەسیە لەناوەین 150 تا 160 شوقەی نیشتەجێبوین لەناوی بوی، و لەوەر ئاگرەگە پەنج لە تیمەیل وەرگری شارستانی و دوو هاوڵاتی مەدەنی زەخمدار بوین.
هیمان سێ ئاگر لە کۆنتڕۆڵ دەرچگە، لەناویان ئاگرەگەی پالیسادس لە ناوەین سانتا مۆنیکا و مالیبو لە خوەرئاوای لۆس ئەنجلۆس، لە وەختیگ ئاگرەگە لەلای کەمەو ١٠ کەس کوشتیە و نزیکەی ٢٠٠ هەزار کەس ئاوارە کردیە و تا ١٠ هەزار بینایش ویران بویە، لەناویلن گەڕەکەیل نیشتەجێبوین، و لەلای کەمەو ٣٥ هەزار دۆنم زەوی سزیاس، کە ڕووبەرەگەی نزیکەی دوو ئەوەنەی مانهاتن و نیمە.
