دوو کوشیان و سێ زەخمداری وە تەقەکردن لەناو ئاهەنگ لە هیوستن ئەمریکا

شەفەق نیوز/ پولیس ئەمریکا وت: دوو ناخاڵە کوشیان و سێ کەسیش زەخمدار بوین لە ئەنجام تەقەکردن لەناو ئاهەنگیگ لە هیوستن لە ویلایەت تەکساس باشوور خوەرئاوای ئەمریکا.

لویس مينينديز سييرا یاوەر فەرماندەی پولیس وت: لە وەخت دیریگ پولیس رەسیە شوین تەقەکردنەگە، و بڕیگ کەس لەناو ئاهەنگەگە وەرەو دەیشت دەو کەن.

وتیش: تا ئیسە پولیس زانیاری لەبان تاوانبار نەیرێد، و داوا لەو کەسەیلە کرد کە لەناو ئاهەنگ بوین پەیوەندی وە پولیس بکەن ئەگەر زانیاری دیرن.

دیاری کرد کە گەنجیگ ١٦ ساڵان لە شوین رویداوەگە گیانی لەدەسدا و دویەتیگ ١٦ ساڵان لەناو خەسەخانە گیانی لەدەسدا، و کوڕیگ لە تەمەن ١٣ ساڵان زەخمدار سەختە.