خامنەیی رێنمایی هێزەیل ئیرانی کەێد وە وەڵامداینیگ "دەسوەجي و بي کۆت و بەند" لەبان هەر هەڕەشەیگ
شەفەق نیوز- تاران
ريبەر باڵا لە ئیران موجتەبا خامنەیی، رووژ شەممە، رێنمایی هێزە چەکدارەیل کرد وە رۊوەرۊبۊن هەر ئاستیگ لە هەڕەشە، وە دووپاتکردن ئەوە کە ئامادەیی جەنگی نۊنەرایەتی یەکیگ لە خوازینەیل وەدیهاوردن بەجەرکردن کەێد.
یەیش لە دیدارکردنی وەرد فەرماندە باڵایەیل هێزە چەکدارەیل ئیرانی هات، لە وەختیگ خامنەیی لە بەیاننامەیگ کە ئاژانس شەفەق نیوز ئاگادار لەلی بۊ، وت کە هێزە چەکدارەیل و گەل ئیرانی وەخت دواییهاتن هەر پەلامارەیلیگ سەربازی یا تیرۆریستی دیاری کەن، ئەگەر "دوژمنەیل" دەس وەپی بکەنەو.
دەسنشان ئەرا هەوەجی وەهێزکردن ژیرخان هەواڵگری سەربازی کرد، و پەرەداین وە وەرگری نیشتمانی سەروەخوەی لەبان هەردوگ ئاست هویروباوەڕی و تەکتیکی، لە شان نووەوکردن توانایەیل وەرگری و ئەمنی و سوودگردن لە تەکنەلۆژیا نووەیل، و وەهێزکردن مۆڕاڵ و ئامادەباشی، وەرد دابینکردن هەوەجەیل بژیوی ئەرا هێزە چەکدارەیل.
لە لایەنیگ ترەک، رێنمایی دا وە نووەوکردن بانک ئامانجەیل وە شیوەیگ کە ری دەێد جۊرەها سامانەیل ماددی و نا ماددی ئەرا وڵاتەیل یەکگرتگ و ئیسرائیل بخرێدە ناو ئامانجەیل هێزە چەکدارەیل.
خامنەیی دووپات کرد کە پاڵپشتی جەماوەری ئەرا هێزە چەکدارەیل نۊنەرایەتی یەکیگ لە پایەیل بەجەرکردن کەێد لە رۊوەرۊبۊن هێزە بیگانە دوژمنکارەیل ئەرا ئیران، وە دەسنشانکردن ئەرا ئەوە کە ئامادەبۊن جەماوەری وەردەوام لە گۆڕەپانەیل و مەیدانەیل، لە ماوەی هەشت مانگ، دریژەپیداینە ئەرا "وەرگری پیرووز" کە هەشت ساڵ وەردەوام بۊ، وەپەی قسەی خوەی.
هەمیش دەسخوەشی لە خوەیڕاگری "بەرەی مقاوەمە" لە دەوڵەتەیل جیاجیا کرد، وە هەژمارکردن ئەوە کە "یەکگرتنی گۆڕەپانەیل" نۊنەرایەتی ئاڵشتبوینیگ ستراتیژی کاریگەر کەێد لە کیشانن شیوەیل سیستەم سیاسی و ئەمنی نوو لە خوەراوا ئاسیا.
لە وەختیگ، سەرۆک دەسەی ئەرکان گشتی ئەرا هێزە چەکدارەیل، لیوا عەبدولڵاهی، و فەرماندەی گشتی سوپا، لیوا حاتەمی، و فەرماندەی گشتی سوپای پاسدارەیل، لیوا وەحیدی، راپۆرتەیلیگ لەباوەت ئاست ئامادەباشی و ئامادەیی سەربازی پیشکەش کردن لەبان کەنارەیل کەنداو، و لە ناوچەیل ئۆپەراسیۆنەیل لە گەروو هورمز و دەریای عومان، و لەبان سنوورەیل باکوور خوەراوا و باشوور خوەرهەڵات ئیران.
راپۆرتەیل، وەپەی بەیاننامەگە، زانیارییەیلیگ لەخوەیان گردۊن لەباوەت زیایبۊن بەرهەمهاوردن جۊرەها تەقەمەنی و چەک کە تەرخان کریانە ئەرا هەواڵگری و پاڵپشتی و ئۆپەراسیۆنە جەنگییەیل.
لە وەختیگ وەرین لە ئمڕوو، دەزگایەیل راگەیانن سعودی خەوەر دان، لە دروسکردن لیژنەیلیگ ئیرانی ئەرا باسکردن لە پێشنیارەیل ئەمریکی کە پەیوەندی دیرن وە دۆسیەی ئەتۆمی، و ئەوەیش دۊای ئەوەگ کە وە "نامەی ئەرێنی" ئەرا جیگر سەرۆک ئەمریکی جەی دی ڤانس وەسفی کرد، لە ناوڕاس کەشوهەوایگ ئەرێنی کە زاڵە لەبان رێڕەو دانوساننەیل و پیشبینییەیل وە وەدەسهاوردن وازبوینبگ لە ماوەی ئایندە.
