حکومەت ئیران چوودە ژیر ئەوە کە دامەزراوەیل ئەتۆمیی وەشیوەی گەورەیگ زەرەدمەن بوینە

حکومەت ئیران چوودە ژیر ئەوە کە دامەزراوەیل ئەتۆمیی وەشیوەی گەورەیگ زەرەدمەن بوینە
2025-07-01T15:41:36+00:00

شەفەق نيوز - تەهران

فاتمە موهاجرانی قسەکەر حکومەت ئیران، ئمڕوو سێشەممە، چگە ژیر ئەوە کە دامەزراوەیل ئەتۆمی ئیران کەفتنەسە وەر زەرەرمەنی گەورەیگ لە ئەنجام گورزەیل ئەمریکا لەی دویاییە، لە خود وەختەگە ئاشکرا کرد کە قسەی سەرۆک ئەمریکا کە گوایە تەهران داوای دانوسەنین کردگە راس نییە.

 ئاژانس ئیرانی "ئیرنا" لە ژوان موهاجرانی وت: بەڵی، دامەزراوەیل ئەتۆمی ئیمە وە سەختی زەرەدمەن بوینە، و فرە لە وەرپرسەیل پشتگیری لەوە کردنە، لە یەکەم قسەی فەرمی کە ئەو زەرەدەیلە نشان بەێد کە وە ژیرخان ئەتۆمی ئیران دویای پەلامار ئەمریکا رەسینە.

لەباوەت قسەیلی دۆناڵد ترەمپ سەرۆک ئەمریکا کە وت: ئیران داوای دانوسەنین کردگە، موهاجرانی دووپات کرد کە هیچ بڕیاریگ لەبان دانوسەنین نەوریاس، وتیش: مەوقەی دەسکردن وە دانوسەنین تا ئیسە دیاری نەکریاس، و مەزەنە نییە ئەگەر لە بانان نزیک بوود.

ئی قسەیل موهاجرانیە لە وەختیگ تیەێد کە وینەیل مانگەیل دەسکرد نوویگ دەرچگ، نشان وەردەوامی کارکردن لەناو دامەزراو ئەتۆمی فۆردو دان، هەرچەن کەفتنە وەر پەلامار فرۆکەیل جەنگی "بی-2" ئەمریکی وەرجە زیاتر لە یەک هەفتە.

سەرۆک ئەمریکا وت: ئەو گورزەیلە دامەزراوەیل ئەتۆمی ئیران وەتەواوی ویران کردن، و ئیران داوای دانوسەنین کردگە.

 

Shafaq Live
Shafaq Live