حەبس ئەبەد ئەڕا داڵگێگ ئاڵمانی
شەفەق نیوز/ داڵگێگ دە ئاڵمان ک پەنج زاڕوو خوەێ تاسانگە لە لایەن دادگا وە حەبس ئەبەد وەبێبخشین، مەحکووم کریا.
دە وڵات ئاڵمان، باوە ک هەر مەحکووم وە حەبس ئەبەدێگ له جی یە ک دە زندان بمینێ تا بمرێ، دۆماێ کیشان پانزە ساڵ لە حوکمەگەێ ئەگەر هاناکارەێلە لە دادگا بخوازن، ئەو دۆوەێ زندانەگەێ وەێ دبەخشرێ.
ئی ژنە، دۆماێ یە ک شۆوەگەێ ولێ کردگە و چگە ژنێگ تر خواستگە، لە خوسەێ دڵێ سێ دۆت و دو کوڕێ ک لەێ داشتگە خنگەو کردگە و چۆچشتێ خواستگە وەێ کارەوە یادگارییەێلەێ ژیان خوەێ و شۆوەگەێ لە ناوە ئەڵبگرێگ و چمان خواستگە ک حەق خوەێ لە ئەوی و لە رووژگار گەنێ ک داشتگە، بسینێوە.
رەوانناسەێلە وتنە ک ئی ژنە تووش قار و قین هاتگە و لە یە ک شۆوەگەێ هیشتگەسەێ جی و نەهیشتگە وەێ ئارزووێیە بڕەسێ ک بنەماڵەیێگ موقەدەس و نەزەر کردگ و پڕ لە مناڵ ئەڕا خوەێ بسازێ، لە خوەێیەو بییە و هیواێ خوەێ لە دەس داگە و بەدێ لە خوەێ هاتگە ئوو کوتوپڕ دە لاێ خوەێیەو بۆچگەو کریاگە.
ئەوی بیس و هەشت ساڵان بییە و دە سێیم سپتامبر 2020 ئی عەزاو و خەزاو و مسیوەت گەپە هاوردگەسە سەر خوەێ و بنەماڵەگەێ.
