حوسییەیل گردەوبوین سەربازییەیل و نەفتکیشیگ سعودی کەنە ئامانج

شەفەق نیوز- سەنعا

ئەنسارولڵای حوسییەیل، ئمڕوو دووشەممە، خەوەردان لە ئامانجگردن نەفتکیشیگ سعودی وە مووشەکیگ بالیستی، لەوەرانوەر کەناراوەیل یەنبوع کە ها بان دەریای سوور.

 حوسییەیل هەمیش دووپات کردن کە گردەوبوین سەربازییەیل لە ناوچەیل عەبەر و وەدیعە و کەنایس یەمەنی، وە مووشەکەیل بالیستی و فڕۆکەیل بێفڕۆکەوان کردنەسە ئامانج.

لە لای خوەییشەو، کۆمپانیای نیشتمانی سعودی ئەرا هامشوو دەریایی دووپات کرد کە یەکیگ لە کەشتییەیلی وە ناو (ئەمزان) "تۊش رۊداویگ ئەمنی لە دەریای سوور هاتگە".

 کۆمپانیاگە لە بەیاننامەیگ کە ئاژانس "رۆیتەرز" بڵاوی کرد وت کە "گشت ئەندامەیل تیمەگە بیوەین، و دڵنیایی لە سەلامەتییان کریاگە، بی توومارکردن هیچ زەخمدارییگ".

 ئاڵووزییەیل ناوەین هیزەیل حکومی کە لەلایەن هاوپەیمانییەو وە سەرکردایەتی سعودیە پاڵپشتی کریەن وەگەرد گرووپ حوسییەیل لە چەن پارێزگایگ یەمەنی لە زیاتر لە مانگیگەو بەرزەو بۊە.و رویوەڕویبوین ناوەین هەردوگلا رۊ دان، دۊای پەلامارەیل حوسییەیل وە مووشەک و درۆنەیل لەبان سەربازگەیل هیزەیل حکومی لە مەئریب و حەزرەمەوت و کەناراو خوەرئاوایی، و لەبان ئامانجەیلیگ لەناو شانشینەگە.

 گرووپ حوسییەیل لە 20 تەمموز/ یۆلیۆی گوزەشتە قەیەغەکردن دەریاوانی دەریایی لەبان سعودیە راگەیان، و چەن جاريگ پەلامار کەشتییەیلی لە دەریای سوور دانە.