جەنگ خویناوی کەفێدە ناوەین هیزەیل ئاسایش سوریا و لایەنگرەیل ئەسەد لە لادقیە
شەفەق نیوز/ تەقەکردن فرەیگ، دویەشەو پەنجشەممە، کەفتە ناوەین هیزەیل حکومەتی سوریا و گرووپەیل چەکدار لایەنگر ئەسەد لە پارێزگای لادقیە، کە بویە هوکار کوشیان دەیان کەس، وەگورەی روانگەی ماف مرۆڤ سوری.
دووپات کرد کە 48 کەس لەلای کەمەو لەی رویوەڕویبوین خویناویە لە ساڵ جبلە و دەورگردی و ریف لادقیە کوشیانە، لەناویان 28 لە لایەنگرەیل ئەسەد و چوار مەدەنی وە گولەی هیزەیل ئەمنی سوریا کوشیان وەگەرد کوشیان 16 لە هیزەیل ئەمنی زەدەس لایەنگرەیل ئەسەد.
وەڕیەوبەرایەتی ئاسایش گشتی لە پارێزگای لادقیە قەیەغەی هامشوو تا ساعەت کەی شەوەکی ئمڕوو جمعە راگەیان.
هەمیش قەیەغەی هامشوو لە حمس و تەرتوس لە شەو پەنجشەممە تا شەوەکی ئمڕوو چەسپیا.
وەرجەیە، هیزەیل ئەمنی وتن جەنگ گەورەیگ لە خوەرئاوای وڵاتەگە وەگەرد گرووپەیل چەکدار لایەنگر سهێل حەسەن ئەفسەر وەرین وەڕیەو چوود، کە یەکیگ لە دیارترین سەرکردەیل بوی لە سوپای رژیم ئەسەد.
