تەهران: وەردەوامی دانوسەنین ئەتۆمی وەرد ئەمریکا بیخودە
شەفەق نيوز/ عەباس عراقچی وەزیر دەیشت ئیران، ئمڕوو شەممە، وازهاوردن لە دانوسەنین ئەتۆمی وەرد ئەمریکا راگەیان، و دووپات کرد کە دەسپیچگ نەیرێد.
عراقچی لە وتاریگ رووژنامەوانی وت: وەردەوامی دانوسەنین ناوەین ئیران و ئەمریکا دەسپیچگ نەیرێد، وەکەێۆ وەردەوامی قەلتملرە وەحشیانەیل ئیسرائیل.
وتیش: بڕیار پارێزەرەیل ئاژانس ناودەوڵەتی ئەرا وزەی ئەتۆمی بویە دەسپیچگیگ ئەرا پەلاماردان دامەزراوەیل ئەتۆمی ئیمە، دیاری کرد کە داوا لە گشت دەوڵەتەیل کەیمن نەفرەت باس کارەیل تاوانیە بکەن، و زوور بارنە مل داگیرکار ئەڕا وسانن پەلامارەیلی.
وتیش: پەلاماردان دامەزراوەیل ئەتۆمی ئیمە نایاساییە، و بایەسە کۆمەڵگای ناودەوڵەتی سزای قەوارەی ئیسرائیلی لەبانی بەێد، داوا لە یەکێتی ئەوروپا و ئەنجومەن ئاسایش ناودەوڵەتی کرد هەڵوێست وەرپرسیارێتی وەرانوەر پەلامارەیل داگیرکار وەبان زەوییەیلمان داشتوون.
ئیسماعیل بەقائی قسەکەر وەزارەت دەیشت ئیران لە بەیاننامەیگ وەرجە ئەو دانوسەنینە کە بڕیار بوی شەو یەکشەممە وەڕیەو بچوود، وت: دیاری لەیجویرە رەوشەیل و تا دوژمنایەتی رژیم سەهیۆنی وەبان نەتەوەی ئیرانی وسێدەو، بەشداریکردن لە دانوسەنین وەرد لایەنیگ خوەی گەورەترین پاڵپشتیکەرە و هاوبەش پەلاماردەرە دی بیخودە.
