تەم دویکەڵین هەڕەشەی فڕۆکەوانی دەێد لە هندستان
شەفەق نیوز/ هەگ ئاست نووڕستن وەشیوەی تیژیگ لە دیلهی پایتەخت هندستان، ئمڕوو جمعە، داوەزیا، بویە پەککەفتن جویلەی کاروانەیل ئاسمانی لە فڕوکەخانەی سەرەکی.
دەسەی کەشناسی هندستان هوشداری وە ڕەنگ پرتەقاڵی دەرکرد، و باس مەزەنەی تەم دویکەڵین خەسیگ کرد کە کاریگەری لەبان جموجویل کاروانەیل ئاسمانی و ریەیل سەرەکی، و کڕەیل ئاسنین دیرێد.
دەسەگە وت: ڕەوشە سەختیەیل کەشوهەوا هاتێ گشت رووژەگە کاریگەری لەبان پایتەخت دیرێد.
دەسەڵاتەیل فڕوکەخانە لەبان پلاتفۆرم ئێکس وتن: ئەو تەن خەسە هەڵسیان فڕۆکەیل وسان، و هوشداری دا کە ئەو فڕۆکەیلە کە سیستەم فڕۆکەوانی پیشکەفتگ نەیرن کەفنە وەر سەختی لە نیشتنەوەی بیوەی.
کۆمپانیای "ئینديجو"، کە گەورەترین کۆمپانیای فڕۆکەوانیە لە هندستان، هوشداری دا کە تەم دویکەڵین خەس وەشیوەی گەورەیگ ریگری لە جموجویل فڕۆکەوانی لە دیلهی کەێد، و هاتێ بەشیگ لە کاروانەیل لەوەر ئی کەشوهەوای سەختە پویچەڵ بکریەێد.
هەرلیوا، داتایل گرووپ (ئاي. كيو ئیر) ئەرا چەودیاریکردن کوالیتی وا، وت: دیلهی کەفتیەسە پلەی دویەم لە جەهان لەناو پیسترین پایتەختەیل، کە هەرلە سەرتای زمسانەو تەم دویکەڵین زیایەو بوی.
