ترەمب: چەودێریی هەر وژەیگ لە هورمز كەینن و گشت مینەیل پاکەوکردیمنە
شەفەق نیوز - واشنتۆن
سەرۆک ئەمریکا دۆناڵد ترەمب، ئمڕوو سێشەممە، دووپاتکرد ویلایەتە یەکگرتگەیل چەودێریی "هەر وژەیگ" لە گەروو هورمز و جەبەل ئەلفەئس و شوینەیل ئەتۆمییە سێیانیەیلتر کەێد کە لە گوزەشتە ویران کریا بوین.
ترەمب لە لێدوانەگەی کە ئاژانس خەوەری شەفەق نیوز وەدویاچگنی کریە وت: "هێز دەریایی ئەمریکا وەپیم راگەیان گشت مینەیل لە ئاوە ناودەوڵەتتیەیل گەرووی هورمزدا لاوریانە یا تەقنریانە".
دیاریکرد، ئاگادار ئیران کردنە کە هەر کەشتی یا بەلەمیگ مینی نوو بکاڵێد "دەسوەجی و وە شێوازیگ سیستماتیک شکنرێد"، دووپاتکرد کە "سیاسەت کارایگ هەس هویچ وەخشینیگ ئەرا کاڵین مین نیەگرێدەخوەی".
لەلایگتر، وەرجە نیمەڕووی ئمڕوو، ترەمپ باس لەوەگ کرد ئیران "شکستخواردیە" و "ناتوانە" لە وەپیدان مووچەی بەشە فراوانەیل سوپاگەی، و داوا کرد ئێ قەیرانە مرۆییە "دەستوەجی" بوسنێد.
