(بکوشیگ کوینە) دووارە لە ئەمریکا تیەێدە دی و تویش دەیان کەس تیەرێد

شەفەق نیوز/ ئمڕوو دووشەممە، ئەمریکا  گلەوخواردن بیماری سیل (بیماری سویە) وەخوەی دی، لە دویای دەرکەفتنی لە مانگ یەک ساڵ ٢٠٢٤، لە کانزاس سیتی و دوو پارێزگای شانی.

 ئاگاداری زانستی بڵاو کرد کە: "لەی بڵاوبوینە 147 کەس تویش سیل هاتنە، لەناویان 67 کەس نیشانەیل بیماریەگە لەلایان دەرکەفت"، "ئەو 80 کەس ترەک کە لە کانزاس تویش سیل بوین، هەڵگر هەوکردنەگە بوین وەبی نیشانە،  کە وە "هەوکردن شاریای" ناسیاس.

 بیماری سیل یەکیگە لە گرنگترین مدووەیل مردن تویشکەر لە جیهان، لە دویای Covid-19 لە سێ ساڵ یەکەم پەتاگە تیەێدە پلەی دویەم.

 بەکتریای مایکۆباکتریۆم سیل بوودە مدوو تویشبوسن وە بیماری سیل لە ئایەم، ئی بیمارییە هەزاران ساڵە تویش ئایەم هاوردگە، کە توێژەرەیل بەڵگەی نشانەیل  بویینی وەرجە 9 هەزار ساڵ  لە جیماگەیل ئایمەیل پەیا کردنە، کە لە ناوچەی خوەرهەڵات دەریای ناوڕاس بزینە.  نزیکەی نیمەی ئەو کەسەیلە کە بیماری سیل گرن و چارەسەر نەکریانە ئەگەر مردنیان هەس، لە وەختیگ ریژەی مردن وەل چارەسەرکردن ئەرا 12% داوەزێد.