بەغدا هاوسووزی خوەی وەگەرد ڤیێنا نشان دەێد دویای کۆمەڵکوشی ناو مەکتەویگ کە نەمسا لەرزان

شەفەق نیوز/ وەزارەت دەیشت عراق، ئمڕوو چوارشەممە، نەفرەت تون کۆمار عراق لەبان رویداو تەقەکردن نشان دا کە لە ناو مەکتەویگ لە شار گراز لە باشوور خوەرهەڵات نەمسا، دویەکە سێشەممە رویدا.

لە بەیاننامەگە رەسیە ئاژانسی شەفەق نیوز، وەزارەت دەیشت هاوسووزی عراق وەرد کۆمار نەمسا چ حکومەت و چ گەل دووپاتکرد لەی رویداو پڕ لە ئازارە، سەرەخوەشی و هاوخەمیی ئەرا کەسوکار قوربانیەیل ئاشکرا کرد و ئومید زوی خاسەوبوین  زەخمدارەیل خوازێد.

خوەنەواریگ وەرین نەمسایی تەمەن 21 ساڵ، دویەکە لەناو مەکتەویگ لە شار گراز لە باشوور خوەرهەڵات نەمسا، وەرجەیەگ لەناو حەمامەیل مەکتەوەگە خوەی بکوسێد، نۆ کەس کوشت، یەیش لە پەلاماریگ دەگمەن لەیجویرە لەو وڵاتە.