بیسەروشوینی فرۆکەیگ روسی وە 50 سەرنشینەو

شەفەق نیوز ـ مۆسکۆ

دەزگایەیل راگەیانن روسیا، ئمڕوو پەنجشەممە، خەوەردا دەسڵاتدارەیل هاتوچو  ئاسمانی پەیوەنیان وەرد فرۆکەیگ نەفەرهەڵگر مەدەنی بڕیاس لە ناوچەی ئامور لە خوەرهەڵات وڵاتەگە.

وەئای ئاژانس "ئنتەرفاکس" روسیا، فرۆکەگە لە جویر "ئەی ئێن ـ24" بویە نزیکەی 50 کەس هەڵگردیە، چارەنویس یا وە تەواوی شوینی دیارنییە.

ئاژانسەگە دیاریکرد، پەیوەنی وەرد فرۆکەگە بڕیاس لەوەخت فرین ئەرا ئاسمان ناوچەی ئامور، وەبی ئەوەگ تا ئیسە هووکار بڕیار پەیوەنی یا سروشت ئەرکەگە ئاشکرابکرێد کە فرۆکەگە ئەنجامیدایە.

تیمەیل فریاکەفتن و دەسڵاتدارەیل پەیوەنیدار دەسکردنە وە ئۆپراسیۆن مینەکردن خەسیگ وە بەشداری یەکەیل لە وەزارەت فریاکەفتن روسی، ئەرا دیاریکردن شوین فرۆکەگە و دووپاتکردن لە بیوەی سەرنشین دەسەی فرۆکەوانی.