بومبیگ لە جەنگ جەهانی دویەم جویلەی قەتارەیل پاریس وسنێد
شەفەق نیوز/ پۆلیس فەرەنسا، ئمڕوو جمعە، بڕیار وسانن جویلەی قەتارەیل لە ویستگەی "غار دی نور" بووسنێد دویای پەیاکردن بومبیگ هن جەنگ جەهانی دویەم لەبان کڕ ئاسنین، کە گڵووڵەی قەتارەیل ناوخوەیی و ناودەوڵەتی کرد.
کۆمپانیاگ نیشتمانی کڕ ئاسنین فەرەنسا "SNCF" لە پۆستیگ لەبان پلاتفۆرم ئێکس نویسان: بومبیگ لە جیماگەی جەنگ جەهانی دویەم نزیک ریەیل لە ناوچەی سان دونی پەیا کریا.
شیواشیویگ کەفتە ناو وێستگەی قەتارەیل ناوخوەیی و ناودەوڵەتی، کە جویلەی قەتارەیل وە تەواوی وسیا لەو ویشتگە کە قەتارەیل يوروستار ئەرای رەسن، هەمیش قەتارەیل "تی جی ڤی" لە وەختیگ پولیس پاریس کار ئەرل چەکانن بومبەگە کەێد.
هەرلیوا، کۆمپانیاگە دیاری کرد کە جویلەی قەتارەیل نیەکەفێدە ری مەگەر دویای چەکانن بومبەگە کە ولایەن تیم تایبەتمەن لە پولیس پاریس وەڕیەو چوود.
جی باسە کە سایت ئەلیکترۆنی کۆمپانیای "يوروستار" هەڵوەشیاه سێ کارتان لە قەتارەیل ناودەوڵەتی نشان دا کە بڕیار بوی شەوەکی جمعە لە ویستگەی "غار دي نور" بکەفنە ری.
