پاکستان: کوشتن 30 چەکدار ئەفغانی تەقەلای دزەکردن لە سنوورەو دانە

شەفەق نيوز – پاكستان

دەسەڵاتەیل پاکستان، ئمڕوو جمعە، کوشتن 30 چەکدار ئەفغانی لەی سێ رووژ گوزەشتە راگەیان، مەوقەی تەقەلایان ئەرا دزەکردن لە سنوورەگەو.

سوپای پاکستان لە بەیاننامەیگ "فرانس پرێس" بڵاوی کرد وت: 30 چەکدار کوشتگە کە تەقەلای رەدکردن لە سنوور ئەفغانستان دانە لە ماوەی سێ رووژ گوزەشتە، دویای کوشتن 16 سەرباز لە پەلاماریگ خوەیکوشی لە خود ناوچەی سنووری لە هەفتەی گوزەشتە.

وتیش: هیزە چەکدارەیل وریایی و ئاگاداری پیشەیی بەرزیگ نشان دان، و ری وە کارەساتیگ نەیان، وەگەرد توومەتبارکردن هندستان دوژمنی وە پاڵپشتیکردن چەکدارەیل.