ئاگر دەورەی لوس ئەنجلوس دەێد.. دەیان هەزار کەس ماڵەیلیان چووڵکردن

شەفەق نیوز/ ئاگر گەپیگ  لە دارسانەیل ناوچەیگ لەشار لوس ئەنجلۆس لە ئەمریکا هیزگرد، بویە مدوو ویرانکردن ماڵەیل و تاسیان، و دەسڵاتدارەیل 30 هەزارکەس چووڵەوکردنە وەگەرد بەرزەوبوین دویکەڵ کە فرەیگ لەناوچەیل شارەگە گردیەسەو.

وەرپرسەیل وتن، وەلای کەمەو  1262 دۆنم زەوی لەناوچەی باسیفیک لە یسادیس  کە کەفێدە ناوەین سانتا مۆنیکا و مالیبۆ سزیایە، لەدویای ئەوەگ هووشداری دریا لە رخداریەیل هیزگردن سەختیگ ئاگر لە ئەنجام ئەو وا هشکە کە ماوەی فرەیگ هەس لە کەشوهەوا هشکەگە.

ئاگرەگە زوی فراوانەو بوود رخداری دروسکەێد  هاتێ کویچەی فرەیگ چووڵبکرێد.

لە پارچە ڤیدیۆیەیل تەلفزیۆنی دەرکەفێد بلویزەی ئاگر سێ چارەکیگ لە ماڵەیل سزنێد ماشینەیل گەور ئەو ماشینەیلە لەبان ریگەن لاوەن کە وەجی هیلیانە تا ماشینەیل فریاکەفتن بتوەنێد هامشو بکەێد.