ئاگر دارستانەیل لە ئەڵمانیا وەردەوامە
شەفەق نيوز - ئەڵمانيا
میدیایەیل ئەڵمانیا، ئمڕوو جمعە، دووپات کردن کە زیاتر لە هەزار ئەندام فریاکەفتن دژوە ئاگر دارستانەیل، وەردەوامن لە کپەوکردن ئاگر لە بەرزاییەیل زالفيد لە ویلایەت تورينجن خوەرعەڵتت ئەڵمانيا، وتیش: واگە رووبەر شوینە زەردمەنەیل ئاڵشت کەێد.
دیاری کرد کە هەرچەن کاماگ لە ناوچەی بەرازیەیل زالفيد لە شەو پەنجشەممە/ جمعە کەمیگ خاسەو بوی چونکە ئاگرەگە فراوانەو نەوی، وەلێ هیمان ئاگر لە شوینەیلیگ وەتەواوی لەژیڕ کۆنترۆڵ نییە، جویر جوريشهايده لەبان سنوور ناوەین ویلایەت سەكسونيا وبراندنبورج.
قسەکەر ناوچەی جوريشهايده وت: بڕیارە ئی گامەیل ئەرا نواگیریکردن ئاگرەیل ناوچەکە شەوەکی ئمڕوو دیاری بکریەن، و ئاسان نییە رووبەر زەردمەن ئیسە لەوەر ئاگرەگە دیاری بکریەێد، وتیش: واگە ئاگرەکە وەرەو شوینەیلیگ ترەک بەێد، وەرەو خوەرئاوای ناوچەیگ سەربازی وەرین.
نویسنگەی وەڕیەوبردن ناوچەگە دویەکە پەنجشەممە باس زەردمەنی 200 هكتار کرد، وەلێ وەگورەی تیمەیل ئاگرکپەوکردن، ئاگرەگە تا شەو نزیکەی 1000 هكتار سزان.
وەگەرد ئەوەیش تیمەیل فریاکەفتن زیایەو بوین، کە رەسیە 562 کەس لەو شوینە و سەروەری کریەێد کەشاسابگ ترەک لە باڤاریا بانە ناویان، و مەزەنە کریەێد تا رووژ یەکشەممەی ئایندە لە تورينجين بمینن.
وتیش: ئاگر لەورا تا شەو پەنجشەممە نزیکەی 250 هكتار سزان.
