ئاماریگ نا کووتایی.. 6 قوربانی وە پەلامارەیل ئیسرائیلی لە باشوور لوبنان
2026-08-15T06:40:39+00:00
شەفەق نیوز- بەیرووت
میدیایەیل راگەیانن لوبنانی، ئمڕوو شەممە، خەوەردان کە سێ پەلامار ئیسرائیلی شەوەکی ئمڕوو دەوروبەر ناوچەی نەبەتیەی یان و لایەیل ناوچەی ئەنسار لە قەزای نەبەتیە لە باشوور لوبنان کردنە ئامانج.
میدیایەیل راگەیانن وتنیش کە هێلیکۆپتەرەیل ئیسرائیلی ئۆپراسیۆنەیە لە ماڵین وەرەو بەرزاییەیل "عەلی تاهر" جیوەجی کردن، لە وەختیگ ئەو بەرزاییە و دەورگرد "نەبەتیەی بان" تۊش پەلامارەیل خەسیگ تووپخانەیی هاتن کە وەکارهاوردن گولەیل فۆسفۆر لەخوەی گرد، و باس سەرهەڵداین جەنگ لەناوەین جەنگاوەرەیل حزبولڵا و سوپای ئیسرائیلی لە بەرزاییەیل عەلی تاهر کردن.
وەرگری شارستانی لە باشوور لوبنان وت کە ئامار سەرەتایی پەلامارە ئیسرائیلییەگە لەبان ناوچەی ئەنسار رەسیەسە 6 قوربانی، دیاری کرد کە ئامارەگە کووتایی نییە.
