پاكستان.. تەقەکردن وەرد چەکدارەیلیگ لەبان سنوور و کوشیان و زەخمداری 23 کەس
شەفەق نيوز- كابوڵ
وەرپرسیگ ئەمنی پاکستانی گەورە، ئمڕوو دووشەممە، خەوەردا لە کوشیان و زەخمداری 23 کەس لە ئەنجام تەقەکردن ناوەین پاسەوانەیل سنوور و تیرۆرستەیل لە باکوور خوەرئاوای وڵاتەگە.
ئاژانس "فرانس پرێس" لە زوان ئەو وەرپرس ئەمنیە وت: تیرۆرستەیل چەکدار پەلامار کاروانیگ لە پاسەوان سنوور دان، و وە چەک سەنگین تەقە لەلییان کردن، و تا چەن ساعەتیگ جەنگ وەردەوام بوی.
وتیش: هەشت لە پاسەوان سنوور کوشیان و یانزەی ترەک لەلییان زەخمدار بوین، سێیانیان زەخمەیلیان سەختە، و چواریش لە چەکدارەیل کوشیان.
ئەو جەنگە کە تا چەن ساعەتیگ وەردەوام بوی لە ناوچەی دابوری لە کەرت ئەرکەوازی نزیک سنوور وەرد ئەفغانستان رویدا.
لە وەخت گلەوخواردن بزووتنەوەی تاڵیبان ئەرا دەسەڵات لە کابول لە ساڵ 2021ەو تا ئیسە، پاکستان بەرزەوبوین تیژیگ لە کارەیل تونوتیژی لە ناوچەی شان ئەفغانستان وەخوەی دوینێد،
ئیسلام ئاباد توومەتبار ئەو هاوسا کەێد کە ری ری دەێد تا لە زەویلیلەو پاانملر پاکستان بیەن، تاڵیبانیش نیەچوودە ژیر ئەو توومەتە.
لە سەرتای ئمساڵەو، زیاتر لە 320 کەس کوشیانە فرەیان لە ئەندامەیل ئەمنی بوینە، ئەوەیش لە ئەنجام پەلامارەیل گرووپەیل چەکدار لە ناوچەیل خەیبەر بەختونخوا و بلوشستان جەنگ کەن.
