ئاسایش سووری راگەیانکاریگ دیار لە رژیم ئەسەد دەسگیر کەێد

شەفەق نیوز- دیمەشق

هیزەیل ئاسایش سووریا، تۊنستن سەنال خزر، ژنە راگەیانکار دیار لە رژیم ئەسەد، دۊای ئۆپراسیۆنیگ ئەمنی لە ریف دیمەشق دەسگیر بکەن.

کەناڵ "ئەخباریە"ی سووری خەوەردا، کە پرۆسەگە هەمیش بۊە مدوو دەسگیرکردن شمارەیگ لەو کەسەیلە کە کار وەگەرد خزر کەن.

هەمیش وت کە خزر سەردەم رژیم وەرین ئەرکەیل پەیامنێر جەنگی، و سەرۆک لق راگەیانن جەنگی وە وەرگری نیشتمانی گردیەسە دەس.

دیاری کرد کە "هەمیش وەرپرسیاریەتی پەیوەندییە گشتییەیل لە سەرۆکایەتی ئەنجومەن وەزیرەیل ماوەی رژیم رمیاگر لەناو رێڕەو پیشەیی گریەدار وە دامەزراوەیل راگەیانن و فەرمی گردیەسە دەس".