ئازەربایجان: ری نیەیمن زەوی و ئاسمان ئیمە ئەرا پەلاماردان ئیران وەکار بان
شەفەق نيوز/ جیهۆن بایێامۆف وەزیر دەیشت ئازەربایجان، ئمڕوو شەممە، دووپات کرد کە وڵاتەگەی ری نیەێد وە هویچ لایەنیگ ئەرا وەکارهاوردن زەویەیلی و ئاسمانی ئەرا جیوەجیکردن هەر پەلاماریگ وەبان ئیران و ئەو دەوڵەتەیل.
ئەوەیش لە پەیوەندییگ وەگەرد عەباس عراقچی وەزیر دەیشت ئیران هات، کە لەناوی دووپات کرد کە ئیران وە هازداری وەڵام پەلامار ئیسرائیل دادەو، ئەرا مقیەتیکردن سەروەری خوەی و ئاسایش گەلی.
راگەیانن فەرمی ئیران لە زوان عراقچی وت: پەلامار ئیسرائیل هەڕەشەس وەبان ئاسایش ناودەوڵەتی، و تەهران وە پەلاماریگ یەکلاییکەر وەڵام ئی دوژمنایەتیە دەێد، وتیش: پەلاماردان دامەزراوەیل ئەتۆمی ئیران شکاننە ئەرا گشت کڕە سوورەیل، و بایەسە گشتی نەفرەتی بکەێد.
وەزیر دەیشت ئیران دووپاتیش کرد کە وڵاتەگەی نیاز دیرێد وەردەوام بوود لە ماف شەرعی خوەی لە جیوەجیکردن ریکارەیل وەرانەوری ئەرا پەلامارەیل ئیسرائیل.
