هاوار مەردم

هاوار مەردم ،هاوار مەردم
لە ناو کۊچەیل کرماشان وە مێنەی هاو زوان گەردم
وە مینەی سەروەن و شاڵ و دەنگ ساز خوەمان گەردم
وە مێنەی دیوڵ و دەسماڵ بەزم شان وەشان گەردم
مە مێنەی سۊرو هەڵپەڕکێ وە سایەی تاقوەسان گەردم
هاوار مەردم ،هاوار مەردم
لە تێژی تێخ بێ کوڵی ک تا قۊلی سقانم چوو
بنووڕن لەی تیەریکانە چە خۊنێ لە داوانم چوو
وە مێنەی مەڵهەم کوردی وە دەم یەی هاوزوان گەردم
وەمێنەی یەی مەڵهەم کوردی ئەڕای یەی کومە ژان گەردم
های کراس و شاڵمان هاکو دەنگ موورو دەنگ ڕا ڕا
پووقەی شمشاڵمان هاکو
مە مێنەی لانەما گەردم
مە چۊ یەی باخ بێ خاوەن ک وارانێ لە لێ گردۊن
گوڵ و پەروانەگەی مردۊ
مە مێنەی باخەوان گەردم
بیلن ئی شار شیرینە ڕەنگ جاران خوەی بگرێ
بیلن ئی خاک پڕ خەیرە گەنم وە دان خوەی بگرێ
بیلن داوان کرماشان لە وینەی نەخش مادی بوو
مە ماچ هەر دەسێکم کرد زوانێ هاو زوانی بوو
هاوار مەردم هاوار مەردم، هاوار مەردم
شێعر ئەلی رزا جەلیلیان