چەن پارچە شیعریگ

هەرکە بنووڕێ وەی شکڵ و شێوە

ولا هـــەق دێرێ کـە بوودن لێوە

گیسێ پەریشان ڕووخسار بێ وێنە

خودا داسە پێ ئی شکڵ و شێوە

           ئەلیمیر سەفەری

هەناسەکەم هەر ئیمشەو بوورێ بووە مێمانم

تاقەت نمارم بێ توو دەرد و بەڵاتەر گیانم

وەو ناز نیم نگاتە تەختو بەختم سزانم

قولەی دەماوەن ئاسا دۊدە مەکەێ سوخانم

ڕزایەت ڕزایی سەرجوویی

دڵم فره گیریاس لەێ سەردی ڕووژگاره

خوەزیەو ک خوەر هەڵاێدو بچوودن ئی شەواره

شەکەت بۊه چەوەیلم، لەبه گەردی له شووند!

تەنیا خوەشی دڵەگەم، کەێ تیەیدنەو دواره؟!

موژگان سولێمانپوو

ئیمشەو

به‌رق چەوه‌یل کەوەد وه‌شکیاسه‌ گیانم ئیمشه‌و 

زه‌نجیر زوڵف هۊلد زڕیاسه‌ گیانم ئیمشه‌و 

نازار چەو که‌ژاڵم! نه‌یری خه‌وه‌ر له‌ هاڵم 

هه‌رچێ خه‌م و په‌ژاره‌س وه‌ر ناسه‌ گیانم ئیمشه‌و 

به‌و سه‌ر بێه‌ لێم شەوێ تر قامه‌ت ڕه‌نگین ده‌م خڕ! 

بــێ تو که‌لاوه‌ێ ئاگـــر ڕمیاسه‌‌ گیانم ئیمشه‌و 

چه‌ن ساڵ ئازگاره‌ دڵ سه‌رد و بێ قه‌راره‌ ؛ 

ئـی بــاخ بــێ وەهـاره‌ شکیاســه‌ گیانم ئیمشه‌و 

م خاک وشکه‌زاران تو ئەور پڕ له‌ واران 

زه‌خمـه‌یل ئشـق جـاران کـولیاسه‌ گیانم ئیمشه‌و 

داخ دڵــم نیه‌زانی  داخم له‌ بێ زوانی ! 

داره‌یــل دڵ گـرانی پــه‌ل داســه‌ گیانم ئیمشه‌و

مەحمەد جەواد جەلیلیان