گلـــــــــــــەیی دڵ
ئەوسا جایڵ بێوم لە سەودای دڵ بێوم
لەلاێ نازاران وەک دار گوڵ بێـــــــــوم
ئیسەیش شەل بێومەو پیشتم قەم دایە
بـــراو ودوسەیــــلم گشتێ توریــــــایە
لـــە ژان پیشتــــم وەسێ پا ڕێ کـــــەم
شەو تا شەوەکی نیم سەعات خەو کـەم
کەسێ نیاێ بێـــــوشێ بــــــرا یە چەدە
کەمێ بسرەویە وعەزاو خــــــوەد مەدە
منیش لەێوامـــــە کەسێ بێــــوشێ ئای
ئەڕا ئێ روژێ خوەم ڕەسنمـــــە لای
رفیق و برادەر گشتـــــێ ســەردان کەم
لە خەێر ولە شەڕ بەشداری گشت کـــەم
خو برادەران شەوروژ هـــــــانوەلمــــا
یەێ روژ نەوتن دەنگ یـــە ڕا نەمــــــا
ئــــەڕا دیار نەمــــا چە لێقومیــــایــــــە
یە قەێرێ ڕوژە دەنگــێ بڕیــایــە
نیەێوشم بان ڕا لام هە تەلەفۆنــــــــێ
هەواڵ بپــرســێ تا بـــوم مەمنـــونــێ
نە برا نە دوس نە قەومەیل خـــــاس
نیان لام بنیشن کەمــێ بکەیم بـــاس
لە قســەێ خـــوەشێ لە درو لـــە ڕاس
لە گــیان بێـــزارم وە هەزرەت عەباس
خەم دڵم لاوەن کەمـێ خوەشیەو کەن
لە بێــــزارییــــــم کەمێ کەمــــەو کەن
داود حەسەن ئەرکەوازی
