دوو پارچە شیعر
لە وڵات ئیمە
واران فرە ساڵە ک
ئەڕاێ کارگەری چیەسە تەێران و
لە ناو کارواشێگ
ماشینەیل مەردم شوورێد،
لە وڵات ئیمە
وەهار فرە ساڵە ک
کرانشین گوڵخانەیل تیەریک بیەو
ئەڕاێ پۊل ئجارەێ ماڵ
لە پەراوێز خیاوانەیل شار
گوڵەیل پڵاسیکی
دەس فرووش کەێد..
لە وڵات ئیمە
خوەر فرە ساڵە ک
لە وەیشت زوقوم
لە چووڵی ئاپارتمانێگ
خوەێ دەێدنە سۊک شووفاژەگانەو...
لە وڵات ئیمە...
ئاخ لە وڵات ئیمە
خودایش لە ورسی
خوەێ داسە ناو سەف نەزری و
هەر ئاخرشەو، لە سۊک مەسجدێگ
یا کلیساێگ
سەرەو نەێدن و خەفێد...
محمدجواد جلیلیان
له تمام وشهیل جهان
ناو ئهۊ بهنه م
ئهودۊای کهلهمهیل
ئڕا ئۊه
م له ناو چیمهنهیل خهیاڵ ئهۊ سهر نامهسه زهۊ
و زهۊ بایگه ئاسمان
بێخهیاڵی نیهوم
ئهی وشهی وشکهساڵ!
له سینگ ئهۊ لێز بگر
ک مهڵوهن ماچهیل بێهچان منه
ک لهی ساڵهیل سییه
نان منه
م له ڕۊ بافهیل گهنم
له ڕۊ پیانو
وه پهنجهیل شکیاگم ناو ئهۊ نۊسنم
ک دهسم گرت و شهوهیل سهرد م ئاگر دا
ک له گووشم خوهنی:
دهنگت بهیگهمه ئهو پهڕ دنیا...
مووسیقا
تهنیا وڵاتێگ بۊ
ک دڵم قرچیا له تێ بمرم
محمد مورادی نساری