دار خەمەیل

ئەو تەنیا دار خەمەیل وە کووڵە

ئەو وەجی مەنێ دەیشتەیل چووڵە

ئەو وریایکەرە لەو سۊک شارە

دارە خرماگەی تەنیای "سوومـارە"

ئەو قامەت زامی دایم مەجنۊنە

فەقەد خـوەێ زانێ دەرۊنێ خۊنە

خـوەزەو بایدەو دەنگ بۊشێ لە ژانێ

لە ئەو گوڵەیلە دریاس لە گیانێ

لەو زوڵم و زوور سپای زەهاکە

لە ئەو شـێرەیل سینە چاک‌چاکە

لەو داخ گران لەو بار کردنە

لە ئەو وێرانی خارەت کردنە

لە ئەو شێرەیلە لە سارات کوشیان

مشتێ لە خاکێ وە دژمن نێیان

خوەزەو یەێ سـاتێ شان بەی لە شانێ

ئەژنەوی وە گووش دەرد گرانێ

شاهنامەی بۊشێ لەو جەورە کیشـاس

ئەوسا دی زانی ئەڕای چوە تەنیاس 

‌

(جلال کووهی)