خــەیــام خــەم
کـەمـووتـەریگـم لانـەوێـز لـە شـەو
زنـدانـی لـە نـاو قـڵای چـەرخ کـەو
ئـەسـیـر وە دەس" بـاز" دڵـداری
چـۊ " بـێـژەنـگ " لـە نـاو چـای بـێ قـەراری
وێـنـەی سـیـاوەش گـیـروودەێ نـەی رەنـگ
عـەقـل و عـێـشـق دایـم لـە لام هـا نـە جـەنـگ
هـەر شـەو زنـدانـی زوڵـەیـخـا مـنـم
سـەر چـۊ سـەر سـراو بـێ مـاوا مـنـم
جـامـێـگـم بـێ مـەی کـۊزەێـگـم بـێ دەنـگ
چـۊ سـان سـەرد " سـانـیـری " دڵ تـەنـگ
قـڵایگـم وێـران کـاخـێـگـم ڕمـیـاێ
کـارەوانـێـگـم وە خـارەت بـریـاێ
تـاق بـێ کـرچـەێ نـاو پـاتـاق مـنـم
زنـدانـی بـێ کـەس نـقـرە داغ مـنـم
دارە بـڕیـاگـەێ نـاو پـەڕاو مـنـم
پـرسـیـارەگـەێ بـێ جـوواو مـنـم
بـەڕۊ سـزیـاگـەێ نـاو سـەرکـەش مـنـم
داێـم لـە خـوەشـی هـەر بـێ بـەش مـنـم
چـۊ کـتـاو کـۊنـەێ پـەڕەێ وا بـردێ
یـا چـۊ عـەڤداڵـێ وە تـەنـیـا مـردێ
م هـە خـوەم زانـم خـەیـام خەمـم
هـەر شـەو پـەروانـەێ عـاشـق شەمـم
بـاخ خـەیـاڵـم هـەر چـەن بـسـزیـەێ
چـۊ پۊش قـورخ بـەن بـەن داڕزیـەێ
یـەێ گـڕ نـیـەوسـمـەو لـە تـەواف شـەم
وە پـەتـەسـوو بـووم یـا گـەر داڕزیـەم
جـــەڵاڵ کــووهـــــی
