ت هاتۊدن بچیدن!

‍  ت ناتۊد وە دڵ‌و گیان، ت هاتۊدن بچیدن!

ت هاتی بەیدە تاڵان، ت هاتۊدن بچیدن!

کەسێ تێ بایە جوور وەفر، تا وە کەمەر باێ

وەلێ هەی نەرمە واران، ت هاتۊدن بچیدن!

وەتم تیەی، پووشنیدن خوەرێ ک ها چەوەیلم!

وەلێ هەور وهاران، ت هاتۊدن بچیدن!

ت تاگەر کەی لەتر بەی؟! م تا کەی دەس بخوەم ئێشق؟!

شەپووڵ ڕۊ لەش سان، ت هاتۊدن بچیدن!

چ داخێگه م باوان ت نەۊمه؟! وەلێ چۊ...

وەۊێ ک چووده باوان، ت هاتۊدن بچیدن!!!

ت خوو خۆەد زانسیدن ک تیەی تا بەیدە تاڵان!

ئڕا لەیوا هەراسان، ت هاتۊدن بچیدن؟!

دۊەشەو وەخ قەرارۊ، م هاتم ک بمینم

وەلێ چۊ جار جاران، ت هاتۊدن بچیدن...

    ماجوو مهری