تەنیا هسارەی شامم

ئەی دەفە را تو ئۊشم، تەنیا هسارەی شامم

تامِ شراوِ جامد ، گیر کردێیە لە کامم

ئۆمێدی را ژیانم .  وەتو شێعرەیلم گوڵ کەن

ئە دەرێ جوز عێشق تۆ ، دی بکوتم حەرامم

زەخمەیل دڵ کاریین ، پیل کردنە لە گیانم

بەو تووژاڵەی لە مەڵهەم ، بخە لە بان زامم

تام ژیانم تیەڵە، ژارێ چۊ ژار مارە

بەو لە شراو لێود ،شرینی خە لە کامم

ت ئەورید و وارانی، وەهار لە ژینم بەش کە

یەێ دەلیا مێهرەبانی، بوار لە بان بامم

م چۊ کەڵ مانشت کوو، دۊر لە چاو شکارچی

هەناێ خوەد بۊنم لە دۊر، دی چۊ کەڵەیل رامم

لە ناو ژیان سەختم، هەناێ ک سەورم سەر چوو

تۆ بۊدن وە دڵخوەشی، رووژیل ناتەمامم

رەحیم ئداری