کتــــــاو

کتاو پڕ لووچ‌و پووچێگم، لە ناو تەنیای° خۆەم پل خۆەم

هە گل خۆەم، تەم چەوەیل پێچا، هە دڕیەم لە دەرۊن° کەم‌کەم...

م° ورسێ یەێ تماشاێگم، یە چەن ساڵە خۆەڵ° خۆەم خۆەم

قەسەم وە ناو° ڕۊ جەڵدم، ژیانم لەێ هەوا دی بەم

تمام° جامەکەیل دینەم ک° سەفهە سەفهه داڕزیام

فڕە دریام له بان° زەۊ، لە جی دەس دی هە تگ‌پا خۆەم

لە ڕۊ بەرگ° سیەم گیرم، ئڕاێ وەژەیلم ئاخینم

وە مردەشوورەگەم بۊشن، ک° مزێانی ئەۊیش، خۆەم دەم!

بزانن لەێ وڵاتیشە، نەخۆەنیاێ هەر لە خاک نریەم

تمام° سەفهە سەفهەیلم، له بان° ئاو، ئاگر دەم

م° زانم ک° دەنڰم سزیەێ، هە بوو کز لە وڵاتم تێ...

هە خەت خەت پاک° پاکۊمە، مەگەر بوو زینێەو بووم هەم؟!

م° هەم ئاوو م° هەم ئاگر، لە نیشان پاک° پاکم کەن

پێا بۊمە لە باوان‌و لە داوان‌و له تام° تەم...

         سمیه صفری