گڵای سەوز و شیرین

Category: شيعر

Date: 2021-11-23T11:55:46+0000
گڵای سەوز و شیرین

وەرەو خوار تەپەگە بوەرەم        

وەرەو چەو ئاوەگە       

وەرەو گیا سوورەگە ک گوڵ وەنەوشە دەرچگە          

وەرەو دارەیل سنەوبەر هەنای باوەش گرنە هەناسەی تەم       

وەرەو بفیلکەیل بان ئاوەگە جۊر مرواری سەما کەن    

وەرەو دووڵەیل    

وەرەو ریەیل پڕ لە سای دارەیل    

تا ریەگە وەرەو بووسانەیل سەوز و هاماریەیل گەنم  زەرد بوەیدەمان    

گورانی ئەرا پەروانە و گوڵەیلە چڕم    

 ئەرا گشت چەرداخیگ لە دارسانەگە ئۊشم:    

دڵم ئەرا دووسە کۆنەگەی گلەو خوارد     

ئەرا گڵایل سەوز و شیرین     

بوەرەم وەو شۆنەگ کەموتەرەیل فڕەی باڵیان تیەێد    

وەرەو ئەو رێنەیلە       

وەرەو ئەو دارە ک لە پشتی خوەم لە شکار بشارمەوە    

وەرەو ئەو شۊنە ک سەنگەیلە ماچ کنار ئاوەگە کەن    

بوەرەم وەرەو رووشانیی خوەرەگە ک وە زوور خوەی رەسنێدە زەۊی       

وەرەو دارە چارەگە      

ک باڵی خستیەسە ناو باڵ دار بەڕۊ    

و ئەرا ئەو پەلەیل دارە    

ک چەمیانە تا یەک باس کۆنەیگ بکەن    

باس کەموتەر و شاعرەگە    

هەنای لەناو گڵایل سەوز و شیرین گورانی چڕیان.       

خانمە شاعر ئینگلیزی/ ئیلیزا کوک 

related