مردن گورانیچڕ لوبنانی سامی کلارک

شەفەق نیوز/ هونەرمەن لوبنانی سامی کلارک، ئمڕوو یەکشەممە،  لەتەمەن ٧٣ ساڵان، لەناو یەکیگ لە خەسەخانەیل روما، لەوەر گرفتەیلیگ لە دڵ، کووچ دۊایی کرد، و زیاترلە ٧٠٠ گورانی وەچەن زوانیگ هیشتە جی. 

سامی کلارک گورانیچڕ و مۆسیقار لوبنانیە، ناوە راسیەگەی سامی حەبیقەس، دەنگی وە ئۆپڕالی جیواز بۊ، و یەکیگە لە گرنگترین هونەرمەنەیل لوبنان تایبەت لە گورانیەیل بیانی. 

کلارک چەن خەڵاتیگ لە فیستیڤاڵەیل مۆسیقایی لە بولگاریا و ئەڵمانیا و فرەنسا و نەمسا وەرگرد، و گورانی وەزوان فەرەنسی و ئیتالی و ئەرمەنی و یۆنانی و ئەڵمانی و رووسی چڕیە، و هەمیش لە بەشیگ لە زنجیرەی کارتۆن لە هەیشتایلەی سەدەی گوزەشتە بەشدار بۊ، جۊر گرندایزەر ئەرا نموونە.