سەرۆک هەرێم کوردستان رەسێدە سلێمانی

شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، رەسیە شار سلێمانی، وەخاتر بەشداریکردن لە پرسەی قوربانیەیل رویداو تەقیان ئەمار گازەگە.

پەیامنێر ئاژانس شەفەق نيوز وت: سەرۆک هەرێم ئەورسا سەردان شوینیگ رویداوەگەیش کەێد، تا بنووڕێدە زەرەدەیلی، ئیجا چوود تا لە پرسەگە بەشداری بکەێد.

وتیش: سەرۆک نێچیروان بارزانی ئەوەسا سەردان زەخمدارەیل رویداوەگە لە خەسەخانەی شار کەێد، ئەوەیش وەیاوەری بافڵ تاڵەبانی سەرۆک یەکێتی نیشتمان کوردستان.

١٥ کەس گیانیان لەدەسدان، و ١٢یش زەخمدار بوین، فرەیان لە ژن و مناڵ، لە ئەنجام تەقیان ئەمار گاز گەرمەوکردن لەناو ماڵیگ لە گەڕەک کازیوە لە شار سلێمانی پیرەشەو پەنجشەممە.

وەگەرد رمیان ئەو ماڵە ک رویداوەگە لەناوه بویە، ماڵەیلیگ هاوسا و چەن ماشینیگ زەرەدمەن بوین.