کوشیان ژنیگ وە دەس شۊیەگەی و زەخمداری 4 کەس لە دو پارێزگای عراق
شەفەق نیوز/ سەرچەوەیگ ئەمنی وەرپرس، ئمڕوو یەکشەممە، خەوەردا لە کوشیان ژنیگ وەبان دەس شۊیەگەی لە باشوور خوەرئاوای پارێزگای میسان. سەرچەوەگە وە ئاژانس شەفەق نیوز وت: پیاویگ ژنەگەی خوەی کوشتیە وە گولە لە قەزای مەیمونە لە باشوور خوەرئاوای میسان دۊای ئەوەگ مەرافەیگ کەفیدە مابەینیان لەوەر باوەتیگ کۆمەڵایەتی.
وتیش، هێزەیگ ئەمنی تۊەنست پیاوەگە دەسگیر بکەێد دۊای ئەنجامداین تاوانەگە وەرجەوەگ ئەرا شۊنیگ بواێد.
لەهەمان وەخت سەرچەوەیگ ئەمنی لە پارێزگای نەجەف خەوەردا لە توومارکردن دوو رۊداو ئەمنی لە پارێزگاگە یەکیگیان تەقین وەجیماگەیل جەنگ لەناو قەورسان وادی سەلام.
سەرچەوەگە وە ئاژانس شەفەق نیوز وت، مەرافەیگ مابەین قەومەیل رۊدایە لە ناوچەی مەعمەل لە ناوراس شار نەجەف وە وەکارهاوردن نارنجە کۆتایی هاتییە وتیش، هێزەیل ئەمنی ئاخڵەی شۊنەگە دانە دەسکردنە وە لێکۆلینەوە لە رۊداوەگە.
سەرچەوەگە وتیش، لە رۊداویگتر ئەمنی لەناو قەورسان وادی سەلام توومارکریایە، مەوقەی وەجیمەنگەیل جەنگی سووپای وەرین لەناو قەورسانەگە تەقێد، بوودە مدووی زەخمداری دو کەس ئەرا خەسخانە کلکریانە تا چارەسەر وەربگرن.
