کوشیان دوو کارمەن لە مەوقەی جیوەجیکردن پڕۆژەیگ خزمەتگوزاری لە بەسرە
2021-03-29T13:14:30+00:00
شەفەق نیوز/ وەڕێۆبەرایەتی خۆجێی لە قەزای زوبەیر لە پارێزگای بەسرە، ئمڕوو دووشەممە، راگەیان کوشیان دوو کارمەن لە یەکیگ لە پڕۆژەیل قەزاگە.
عەباس ماهر قایمقام زوبەیر ئەرا ئاژانس شەفەق نیوز وت: دوو کارمەن لە تەمەن بیسەکان لەمەوقەی کاریان لە پڕۆژەی ئاوەڕێەی قورس لە قەزای زوبەیر، دویای رمانن خوەڵەگە لەژیریان مردن.
و دیاری کرد ک ئاست رماننەگە وە قویلی سێ مەتر لە ژیر ئاست زەوی بوی، وتیش؛ مردنەگە لەوەخت کارەگە وەڕاستەخۆ نەوی، بەڵکم لە سەرەتایی رزگاریان کریا و رەوانەیان وەرەو خەسەخانە کریا، باوجی وەرجە رەسینیان مردن.
ماهر دووپات کرد کەسوکارەیل مردیەکان سکاڵا دژوە کەسیگ تۆمار نەکردن، و کارەگە وە قەزا وقەدەر دانان.
