زیقار.. مردن تیرۆرستێگ لە زیندان "حوت" و دوو خوەیکوشتن ژن
شەفەق نیوز/ سەرچەوەێگ ئەمنی لە پارێزگای زیقار، شەوەکی ئمڕوو چوارشەممە، راگەیان لە زیندان حوت لە باشوور ناسریە مردن نووێگ توومارکریا، هەر لەو پارێزگای باشوور عراقە خوەیکوشتن شکسخواردگ دوو ژن توومارکریا.
سەرچەوەگە وە ئاژانس شەفەق نیوز خەوەردا زیندانێگە لە تەمەن 42 ساڵە خەڵک شار بەغداد پایتەختە، وە وەگورەی ماددەی 4 لە یاسای دژە تیرۆر سزا لەسێدارەداین ئەرای دانریایە، لەناو زیندان حوت لە باشوور ناسریە ناوەن پارێزگاگە گیان وە دەس دا.
سەرچەوەگە وتیش؛ تا ئیسە هووکار مردنەگەی دیار نییە، تەرمەگە ئەرا پزشک یاسایی کلکریایە ئەرا تەواو کردن رێکارەێل یاسایی.
لەلاییگ تر، پارێزگاگە دوو خوەیکوشتن شکستخواردگ توومارکریایە، یەکێگیان وە نەفت چەرمگ سوزیایە.
باسکرد، پۆلیس قەزاگە تەقەلای ژنێگ 30 ساڵە ئەرا خوەیکوشتن شکسخواردگێگ توومارکرد ک لەری وەرگردن بڕە دەرمان پزشکی، لەبان مەرافەی کۆمەڵایەتێگ وەگەرد شۊیگەی ئەرا خەسخانەی (تورکی) ناسریە کلکریا ئەرا چارەسەری.
سەرچەوەگە وتیش، ژنێگتر 20 ساڵ لە لە کۊیچەی سەبعە نیسان قەزای شەترە باکور پارێزگای زیقار خوەی وە نەفت چەرمگ سزانیە، باواجی کەسوکاری ئەرا نزیکترین خەسخانە کلیکردنە ئەرا چارەکردن، تا ئیسە هووکار خوەیکوشتنەگەی دیار نییە.
