ڤیدیۆ.. فڕۆکەیل عراق سەرکردەیل گرنگیگ لە ریخریاگ داعش لە حەمرین کەنە ئامانج
شەفەق نیوز/ شانەی راگەیانن ئەمنی عراق، ئمڕوو شەممە، خەوەردا ک گورزیگ ئاسمانی "سەرکردەیل گرنگ" لە ریخریاگ داعش لە زنجیرە کویەیل حەمرین لە پارێزگای سەڵاحەدین کردنە ئامانج.
شانەگە لە بەیاننامیگ رەسیە ئاژانس شەفەق نیوز وت: کار وەپیریچگن و هەواڵگری لەبان زەوی مەیدان لەلایەن ئاژانس هەواڵگری و لێکۆڵینەوەی فیدراڵی لە وەزارەت ناوخۆ رەسیە ئەنجامەیل بەرزیگ.
وتیش: پیاوەیل ئاژانس هەواڵگری و لێکۆڵینەوە رەوانگەی جموجویل ئەندامەیل تیروری کردن، وەهەماهەنگی وەرد شانەی ئامانجکردن سەروە فەرماندەیی ئۆپراسیۆنەیل هاوبەش ودەزگای دژەتیرۆر لە زنجیرەی کویەیل حەمرین لە پارێزگای سەڵاحەدین.
وەگورەی بەیاننامەگە، زانیاری هویردیگ دریا ئاژانسەگە وشانەی ئامانجکردن لە فڕۆکەیل ئاسمانی، ک سەرکردەیل گرنگیگ لە چەتەیل داعش هانە ئەو شوینە، ک داڵەیل ئاسمان گورزیان وەبان ئی تیرۆرستەیلە وەشانن.
بەیاننامەی شانەی راگەیانن ئەمنی دووپات کرد ک ئەوەسا ئاشکرای گشت ناو وپلەی تاوانکارەیل کردیەێد ک کریانە ئامانج، وتیش: ئاژانس هەوڵگری کار وەبان پلانیگ ئامادەکریاگ کەێد ئەرا لەناوبەین چەتەیل داعش لەبان خاک عراق.
