جیگربوین نرخ دۆلار لە بەغداد و داوەزینی لە هەولێر
2022-12-17T08:00:02+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو شەممە، لە بۆرسەی سەرەکی بەغداد پایتەخت جیگر بوی، و لە هەرێم کوردستان داوەزیا.
پەیامنێر ئاژانس شەفەق نیوز وت: نرخ ١٠٠ دۆلار ئەمریکی لە بۆرسەی کیفاح و حارسیە لە بەغداد پایتەخت، شەوەکی ئمڕوو، رەسیە ١٥١٧٠٠ دینار عراقی.
ک هەر خود نرخە ک شەوەکی رووژ پەنجشەممەی گوزەشتە توومار کریا.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد بەرزەو بوی، ک نرخ فرووشتن رەسیە ١٥٢٠٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٥١٠٠٠ دینار عراقی.
لە هەولێر پایتەخت هەرێم کوردستان، نرخ دۆلار داوەزین توومار کرد، ک نرخ فرووشتن ١٠٠ دۆلار ئەمریکی رەسیە ١٥١٥٠٠ دینار عراقی، و نرخ سەنینی رەسیە ١٥١٤٠٠ دینار عراقی.
