جیگیربوین نرخ دۆلار لە بەغدا و هەولێر
2023-01-08T08:30:16+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو یەکشەممە، لە بۆرسەی سەرەکی بەغداد پایتەخت و لە هەرێم کوردستان جیگیربوی.
پەیامنێر ئاژانس شەفەق نیوز وت: نرخ دۆلار ئەمریکی، بۆرسەی کیفاح و حارسیە لە بەغداد پایتەخت، رەسیە ١٥٦٠٠٠ دینار عراقی وەرانوەر ١٠٠ دۆلار ئەمریکی، هەمان نرخ بوی لە دویکە شەممە.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد جیگیرە، ک نرخ فرووشتن ١٠٠ دۆلار ئەمریکی رەسیە ١٥٦٥٠٠ دینار عراقی، و نرخ سەنینی ١٥٥٥٠٠ دینار عراقی.
لە هەولێر پایتەخت هەرێم کوردستان، نرخ دۆلار لە بۆرسە جیگیربوین توومار کرد، ک نرخ فرووشتن ١٠٠ دۆلار ئەمریکی رەسیە ١٥٥٦٠٠ دینار عراقی، و نرخ سەنینی رەسیە ١٥٥٥٥٠ دینار عراقی.
