یەکەم مردن وە کۆرۆنا لە گەورەترین شارەیل چین
شەفەق نیوز/ شەنگهای، گەورەترین شارەیل وڵات چین، یەکەمین مردن وە ڤایرۆس کۆرۆنا لەی شار پیشەسازی گەپە راگەیان.
حکومەت شارەوانی شەنگەهای وت: سێ لە تویشهاتگەیل کۆڕۆنا، تەمەنیان لەناو ٨٩ و ٩١ ساڵان لەوەر ڤایرۆسەگە مردن، و زیان لە بیماریەیل درویژ ماوە داشتنە.
و ئەو مردنەیلە ک باسیان کریا، یەکەمین مردنە لە وڵات چین، لەوەختیگ دوو کەس لەناوڕاس مانگ ئادار لە ناوچەی جیلین مردنە، و ئەوەیشە یەکەم مردن بوی دویای زیاتر لە یەک ساڵ لە وڵاتەگە، ک ریکارەیل سەختیگ وەگەرد بڵاوبوین ڤایرۆسەگە جیوەجی کریا.
وەرجەیە گومان لە ئەگەر گیانلەدەسدان لەوەر پەتاگە زیایەو بوی، ک رووژنامەی "ووڵ ستریت جورناڵ" و "کایشین" و میدیایلیگتر وتن: دوو دامەزراو ئەرا چەودیریکردن پیرەیل لە شەنگهای تەقەلای نواگردن ئاڵشیبوی ئۆمیکرۆن دەس، و وەرجەیە وەفەرمی باس هویچ مردنیگ نەکریاگە.
شەنگهای ئیسە ناوەند بەدتترین بڵاوبوینە ئەرا ڤایرۆس کۆڤید-١٩ لە وڵات چین، باوجی فرەی بیمارەیل نشانەیل سووکیگ وەپیان دیار دەێد.
